Job Description

E hiamo ana a Te Papa ki te rapu kaimahi mō te tūnga o te Learning Specialist Kaupapa Māori – Kaitohutohu Mātauranga Māori.

He arawātea ahurei tēnei e tōia mai ai tō māramatanga hōhonu ki te ao Māori me ō wheako ki te ao mātauranga ki tētahi o ngā whakahaere ahurea tino rongonui o Aotearoa.

Mahi i te pūtahitanga o te mātauranga Māori, te ao mātauranga me te tikanga whare taonga – kei te ngako o te ako ngā taonga, ngā kōrero me te tangata. Piri mai ki a mātou ki te auaha i ngā wheako akoranga haumako, he mea rumaki hoki, e tūhonoa mai ngā ākonga rātou ko ngā kaiako ko ngā whānau puta noa i ngā horopaki mātauranga arareo Māori me te arareo Ingarihi hoki.

Hei Kaitohutohu Mātauranga Māori, ka whai wāhi koe ki te Learning Team o Te Papa, i roto tonu i te Audience and Insight Directorate, koia e ārahi nei i te tūhono i ngā tāngata ki ngā taonga, ki ngā kōrero mā runga i ngā ara whai take, ka maharatia, ka taea hoki te ine.

Ka mahi ngātahi koe ki tētahi rōpū i roto nei ngā kaiwhakaako, ngā kairauhī, ngā hoa hourua ā-iwi, me ngā hoa patui o te rāngai mātauranga hei whakawhanake, hei tuku hoki i ngā wheako ako auaha, he whai wāhi hoki, e whakaaturia nei, e whakatairangahia hoki te tūāpapa kākano rua o Te Papa.

Kei tēnei tūnga, ka pēnei koe:

• Ka ārahi i te whakawhanaketanga me te tukunga o ngā wheako ako mā ngā ākonga rātou ko ō rātou whānau ki ngā horopaki ara reo Māori, mai i te kōhanga reo ki te wharekura me ngā wānanga.
• Ka mahi ngātahi puta noa i te rōpū hei whakarākei i ngā wheako ako o te whare taonga ki ngā uara, ki ngā tikanga whakaako, ki ngā tikanga hoki i ahu mai i te kaupapa Māori.
• Ka whakamahia ō pūkenga ki te akoranga matihiko, e arohia ana te taonga, hei whakaora i ngā taonga me ngā kōrero a Te Papa mā te hunga ako katoa.
• Ka whai wāhi hohe atu, ka tautoko hoki i ngā arawatea akoranga ngaio hei whakapakari i te raukaha o ngā kaiako rāroto nei, e hāngai ana ki te rāngai whakaako hoki.

Ngā āhuatanga e kimihia e mātou:

• He tangata matatau ki te kōrero i te reo Māori, he tūāpapa pakari tōna ki ngā tikanga Māori.
• He wheako ōna ki te tūhono ki ngā horopaki arareo Māori, ko te painga atu kua hoahoa, kua tuku hoki i ngā hōtaka akoranga i ngā kura Māori, i ngā kura ā-iwi, i ētahi atu horopaki mātauranga kaupapa Māori.
• He mema o te rōpū ka mahi ngātahi, he rawe ōna pūkenga taha huawaere, taha whakawhiti kōrero hoki, he ngākau whiwhita tōna mō te huri i te akoranga mā te kaha o ngā whare taonga me ngā taonga.

Haere mai ki te whakaohooho, ki te hāpai, ki te tūhono hoki i te hunga ako puta noa i Aotearoa ki ngā kohinga me ngā kōrero hōhonu e noho mai nei i Te Papa. He ara wātea tēnei kia tūturu te pānga ki te anamata o te mātauranga, ki te māramatanga ahurea, ki te whakapuakinga hoki o te tino rangatiratanga i ō mātou wāhi ako.

E rua ngā tūranga e wātea mai ana, he tūranga wā whāiti ka mutu hei te Pipiri i te tau 2026, ā, kei Pōneke ngā tūranga e rua nei. He tūranga ukiuki ēnei, ā, e 40 ō hāora mahi i te Mane ki te Paraire, arā ētahi āhuatanga pīngore mō ngā whakaritenga mahi.

Pae Utunga: e $79,299 ki te $94,167 ngā tono ka tukua hei whakaata i ngā pūkenga me ngā wheako kei te kaitono

Ka kati ngā tono i te: 13 Maramamātahi 2025

Ko ngā kaitono katoa me whai tika ā-ture ki te mahi i Aotearoa me te āheinga ki te pupuru i taua tūnga.

Kei te manawanui a Te Papa ki te tiakitanga me te hauora o ngā tamariki. Nā te mea he wāhi ki tēnei tūranga mō te mahi tōtika ki ngā ākonga, ka hāngai te whiwhinga mahi katoa ki ngā hihiratanga haumaru e ai ki te Vulnerable Children Act 2014.

Me tuku tuihono mai i tō tono me te whakamau i tētahi reta whakamārama, tō tātai pūmanawa (CV) me ētahi atu tuhinga tautoko hāngai. Mēnā he pātai āu, tukua mai te īmēra ki recruitment@tepapa.govt.nz 

English Text: 

Te Papa is thrilled to be recruiting for the role of Learning Specialist Kaupapa Māori – Kaitohutohu Mātauranga Māori.

This is a unique opportunity to bring your deep understanding of te ao Māori and your experience in education to one of Aotearoa New Zealand's most iconic cultural institutions.

Work at the interface of mātauranga Māori, education, and museum practice – where taonga, stories and people are at the heart of lifelong learning. Join us in shaping rich, immersive learning experiences that engage ākonga, kaiako and whānau across both Māori and English-medium education settings.

As Learning Specialist Kaupapa Māori, you will be part of Te Papa's Learning Team, within the Audience and Insight Directorate, which leads the way in connecting people with taonga and stories in meaningful, memorable and measurable ways.

You'll collaborate with a team of educators, curators, iwi partnerships, and education sector partners to develop and deliver innovative, participatory learning experiences that reflect and promote Te Papa's bicultural foundation.

In this role, you will:

• Lead the development and delivery of learning experiences for ākonga and their whānau in Māori-medium settings from kōhanga reo to wharekura and wānanga.
• Collaborate across the team to enrich museum learning experiences with kaupapa Māori values, pedagogies and practices.
• Use your skills in digital and object-based learning to bring Te Papa's taonga and stories to life for all learners.
• Actively participate in and contribute to professional learning opportunities for kaiako capability building internally and in relation to the teaching sector..

What we're looking for:

• A fluent Te Reo Māori speaker with a strong foundation in tikanga Māori.
• Experience engaging in Māori medium settings, ideally having had designed and delivered learning programmes in kura Māori, kura ā iwi, or other kaupapa Māori educational contexts.
• A collaborative team member with excellent facilitation and communication skills, and a passion for transforming learning through the power of museums and taonga.

Come and inspire, uplift, and connect learners across Aotearoa with the rich collections and stories housed at Te Papa. This is a chance to make a real impact on the future of education, cultural understanding, and the expression of tino rangatiratanga in our learning spaces.

There are two positions available, both are fixed term roles ending in June 2026, and are based in Wellington. These are full time roles, you will be working 40 hours Monday to Friday, with some flexibility around working arrangements.

Salary Band: $79,299 to $94,167 offers will be made to reflect the skills and experience offered by the candidates

Applications close: 13 November 2025

All applicants must have the legal right to work in Aotearoa New Zealand and the ability to maintain that status.

Te Papa is committed to the protection and wellbeing of children. As this role involves working directly with ākonga, all employment is subject to safety checks in accordance with the Vulnerable Children Act 2014.

Please submit your application online and attach a cover letter, your CV and any other relevant supporting documentation. If you have any questions, please send an email to recruitment@tepapa.govt.nz